Mga samu't-saring chenez

Dear Lord,

Hello po.

Napapansin ko lang po kasi, parang all out tayo ngayong 2008 ah. Wala pa po tayo sa kalahati pero madami dami na tayong pinagdaanan at dadaanan pa. In fairness, lahat naman po yon nalampasan na at nilalampasan na, kaya salamat po. Lagi, salamat po sa Inyo sa lahat.

Di ko maalala kung nagsabi ako dati ng 'bring it on.' Ang alam ko po kasi hindi eh. Ay wait, kakaalala ko lang na sinabi ko na magiging mahiwaga ang ika-25th year ko sa balat ng earth. Ito na po ba ang manifestation non? Siguro ito nga, at kung ito nga ibig sabihin po ba hapitan na ito hanggang August o na-spread out po ba natin hanggang December na?

Oo nga no? Ngayon pong napagisipan ko ng konti simula ng mag blow ako ng candle nung August last year sunud-sunod na ang mga "mahiwagang" nangyayari sa akin.

Nagkaron ng madaming pagbabago ang ginagalawan kong mundo. Pati ang mga trip ko nagbago at patuloy na nagbabago. Labas pasok sa buhay ko ang samu't-saring tao na madaming naibahagi at binabahagi sa aking karunungan at experience. Salamat po sa lahat ng iyon.

Patuloy ang pag-ayos ng aking relasyon sa aking pamilya. Mejo nasurprise lang ako ng slight nung February pero mabilis Niyo din naman po akong binigyan ng reassurance pati na strength at understanding. At alam ko din naman pong lubos Niyong pinagpala ang anak niyong yon na ubod ng kulit (kaya siguro ganito din ako) kaya masasabi kong maayos din naman. Lalo pa tuloy kaming na-bond. Salamat po.

In terms of finances, nasimulan ko na din ang mga sinabi ko po sa Inyo na gusto kong gawin. At lahat naman ng kailangan ko eh lagi Niyong binibigay. Tapos po yung move natin nung March ay, for me, one more step towards my objective. Again, salamat po.

In terms of career, mejo katatapos lang ng kalbaryo ko (salamt po ulit don ha? Tenk yu, Lord!) at madami ding nangyayari dito sa opisina at sa aking career-life. Patuloy ang pag-abante. Go 2010 na po ba ito? Hehe.Salamat ulit po.

In terms of social life, palago ng palago ang aking sirkulo. Siyempre nandyan pa din ang mga solid na, hardcore pa na kasamahan na kasabayan ko na din sa pagsulong sa buhay. Tapos dinadagdagan niyo pa ngayon ng mga taong sa tingin ko naman po ay kinakailangan ko din makilala. Kung tama ang nanay ko, may mga karmic debts pa ako sa mga ito kaya tignan nalang po natin kung san pa tutungo ito. In any case, salamat po ulit.

Love life. Hmmm... ano yon? Nakakain ba yon? Haha. Joke lang po. Well, as I've often told people (na echo lang ng sinabi ni Ma'am), "The only person that can love me exactly the way I want to be loved is myself." So, I've always been working on that. Kaya nga siguro nangyayaring lahat ang mga ito. Pero kung ang usapang love life natin eh yung tipong pang world of duality eh ang aking kaibigang si Lotte nalang ang ieecho ko, "Surprise me nalang po." hehe. Alam ko namang nasa tabi-tabi lang siya. Besides, I deserve the best and I accept the best now. Kaya, Lord, salamat in advance ha? Hehe.

Spiritual? Well, di naman ito pang isang taunan lang. This is a lifetime thing, minsan hanggang next lifetime pa. Napansin ko lang po, na for my 25th, you've sent a lot of opportunities to learn lessons on acceptance, trust, patience, forgiveness and love talaga. Ang daming experiences to convert to wisdom. And like Tito Frank said, "Grow or die." Alam Niyo naman pong  I choose the former. For the wisdom I've acquired and yet to acquire, salamat po, Ama.

So paano po ba ito? Mukhang talagang icocover natin lahat ng bases. Oh well, Trust, Accept, Respect, Forgive and Love. Besides, madadating ko din yang absolute surrender na yan. Di ba po, Lord? For now, please guide and support me on being, doing and having. Primarily on Being. Oks ba?

So paano po? Salamat uli sa lahat, ha?

Let's do this!

Nagmamahal,
Red